මෙය ඔබට කිසිදිනක කියන්නට
නොහැකිවන කතාවකි
සත්‍යයක් ඇත එහි තැනක දැවටී
එදා මා දැන නොසිටි
නිති පතා අද මා දකින
මගේ කුටියේ කවුලුවට නුදුරින්
ගරාවැටුනු නවහනක නටබුන්ය
එදා සෙනේ දිය පිරී වැගිරුනු
පවුලක හද දහම් රැහැනක
තිබිරිගෙය බදු වූ
කාමර කුස්සි දොර ජනෙල්
දිරයි මලකයි පුපුරයි
මියෑදෙයි පොලොවටම පස්වෙයි
නව දලු ලමින් වෙලෙමින්
මුල් ද පසුරුද වෙලා බැදෙමින්
දිනෙන් දින ලියවැලක් එතෙයි ඒ වට
ලෝකපාලු ය නමින් ම මූසල
කොහෙන් පැමිනියෙද ඒ ලතා කලලය
කෙසේ හැදී වැඩෙනුයෙද තට්ට තනිවම
මියයන මේ කුඩා ලෝකය මත
නොමරුනු එකම දේ එය වෙයි
ඒ නිහඩ හංස ගී වලප
තිරයකින් මුවා කොට සගවන
මෙය ඔබට කිසිදිනක
කියූවත් වැඩක් නැති කතාවකි
මේ කතාවේ අරුත පසිදා
ලදුන් හා ගති සොබා රූ ඇති
ලතාවක් හා බැදී වෙස් ගත්
ඔබ නොහදුනනු ඇති ඔබවම
++++++++++
ReplyDelete