Tuesday, February 12, 2019

රෝස මුසැන්ඩාස් පිස්සුව


මගේ පලමු පොත විදිහට "රෝස මුසැන්ඩාස් පිස්සුව " නමින් කෙටිකතා සන්ග්‍රහයක් 

Tuesday, January 23, 2018

අවසාන කාර්තුව




රැදී උන් 
අගුපිලද සෝදා
කහ දියර ඉස 
නැවත බාර දෙමි


පරවන විට
අලුත් පැහැයක් දෙන
අමුතුම මලක් වෙමි

නොසොයොන බව දැනම
වීථි දෙක තුනක් ඇති 
කුඩා නගරයක 
සැග වෙමි

හැර නොගොස් හැර යන
ප්‍රේමයේ 
අවසාන කාර්තුව 

Tuesday, January 2, 2018

පත් අතර ඇය
















කොස් කොළය, අඹ කොළය 
නේක විසිතුරු පත්ය
නටුවෙන් ගැලවෙලා විසි උන
මිදුල හැඩිකොට විසිරුන

අමදී, ගොඩ ගසයි, ගිනිලයි
ඇගේ රාජකාරිය මෙය වේ
කුඩා වේතනයක් 
ඇයට හිමි කරදෙන 

දසුන කැලැතී
හැඩතල බොදව
වර්න දිය වී මුහුව 
කෝ ? කොහෙද ? 
පත් අතර සිටි ඇය 

ජීවිතේ මහා සිතුවම 
මතු වෙයි 

Tuesday, December 5, 2017

දුම් බටය




කම්හල් පියැසි හිසකින් මතුව
ගොජ ගොජ ගගා දුම් දමන
දුම් බටය 
මම නුඹ දකිමි
කාර්මික පෙදෙසක අහසක

කුඩා මාලුන් රගන නිල් දිය කඩිති
මල්ද සමනලයන්ද පිරුනු ඉතුරුනු
සොබාදම් නිල් සිතුවම ගිනිබත් කරන
විශ දුම පිබින ගිනි මකරෙක්ය නුඹ
දුම් බටය 
වෙර බදිනු ඇත ඔවුන් නු හට

කම්හල් දැති රෝද හා හාදව
කම්කරු දිවි සුසුම් මොලවන
ඒ දුක් දුමාරය අහසට වීසි කරවන
දුම් බටය
ධනපති බලල් අතකිය නුඹ
පලි ගසනු ඇති කෙනෙක් නු ගැන

මොකුත් නොකෙරෙන ලොකේක
කුමක් හෝ නව යමක් නිපදවන 
සංකේතයකි නුඹ
සජීවී බව කැන්දන 
පහන් හැගුමක් නැතිවා නොවේ 
ඉතා කුඩා පිරිසකට නුඹ ගැන

කොහේ කොතනින් මතු උනිද
කිමක් උදෙසා වෙර නගනුද
යන පැටිකිරිය  නොවිමසා
නුඹ මවන මේ දුම් රටා විද විද
තු‍ටු වියහැකිය මේ මට නම්

දුම් බටය 
දුම් බටයක් පමනි 
මේ මොහොත තුල මට

Thursday, September 28, 2017

ඔබ කදිම පෙම්වතෙකි




සිලක් පුහ් ගා නිවෙන ලෙස
හිටි ගමන් අතුරුදන් වෙන එක
නෙවෙයි වෙන් වෙන්න හොදම විදිහ
දැකල දැකලම කරමලේ සුදු උන
කුකුලෙක් වෙන්න ඔබ මලම කරදරකාර

ඇයි ඔබට එන්න බැරි සති පොලට
එලෝලු විකුනන්න මම නොකන කරවිල
තුක් මොකට හැදෙනවද මේ තිත්ත කරවිල
පොලොවේ තියන රහත් තිත්තකට හරෝගෙන
මම බලා නොබලා යන්නම් හිතින් බැන බැන

නිති පතා යන එන දොර‍ටු දෙකේ බස් එකක
කොන්දොස්තර රුවන වී ඔබ ඉන්න එහෙනම්
ඉතිරි රුපියල නොදී ඉන්න ඕනැමයි ඔබ 
මටත් ඉල්ලන්න ලැජ්ජයි කොහොමත්ම
හිලව්වට රව රව මම යන්නම් ගමනාත්තයටම

ටිකක් සැර වැඩී තමයි ඒ පල්ලම් බැස්ම
හොදම විදිහකි දින පතා නරඹන මලා නාටකයකට එන එක
එන්න එහෙනම් හැමෝම බනින දුශ්ට චරිතයක වෙස් ගෙන
හරිම ලේසි අනේ ටයි කෝට් දාගෙන නපුරුකම් කරන එක
මමත් අම්මත් අක්කත් එකලෙසට එකට ඉදගෙන 
බනින්නම් එතකොට පලු යන්න මදි නොකියන්න


ඔබ කදිම පෙම්වතෙකි 
ආදරය ගැන දාර්ශනික බස් දොඩවපු
වෙන් වෙන්න හරිම විදිහවත් හරියටම නොදන්න

Sunday, September 17, 2017

මල් සෞන්දර්ය




ඒ ගිරග මත බොහෝ මල් පිපී තිබිනි
නෙක රුවින් හා පැහැයන්ගෙන්
සමහරක් නම් දන්නා
සමහරක් නම් නොදන්නා

එ'ගිර  තරණය  කල ඔවුහු
වහා වැළඳගති  එ'මල්  පෙලහර
අහා කෙතරම් සොඳුරුද මේ මල්
විඩා නිවමින් සෙමෙර සැලුවා ඒ මල්

එතකින් නොසෑහී ඔවුහු
සොරා ගත්තා මල් ඇටද අතු රිකිලිද
‍රැගෙන ගොස් පැලකරනු රිසි
ඔවුනොවුන්ගේ කුඩා ගෙඋයන්වල  වල

නොදත්තවුන් මෙන් 
ගිරි මුදුන් වල තැවරෙන
ලපටි හිරු එලියෙන් අච්චුව තැනුන බව
නිති පතා හැපෙන මේ කුළු පැහය දියකර
ඒ ලා පැහැති වර්ණ ඉපදුන බව
ගිර'ග  පිස හමන සුළං කතුරෙන් කපා ගෙන 
පෙතිද , රේණුද හැඩ වැඩ දැමූ බව
ගිරි තරණෙන්  පසු පමණක්  විදිය යුතු
මල් සෞන්දර්යයක්  එතන වූ බව



Saturday, September 2, 2017

කියූවත් වැඩක් නැති කතාවකි




මෙය ඔබට කිසිදිනක කියන්නට 
නොහැකිවන කතාවකි
සත්‍යයක් ඇත එහි තැනක දැවටී
එදා මා දැන නොසිටි
නිති පතා අද මා දකින

මගේ කුටියේ කවුලුවට නුදුරින්
ගරාවැටුනු නවහනක නටබුන්ය

එදා සෙනේ දිය පිරී වැගිරුනු
පවුලක හද දහම් රැහැනක
තිබිරිගෙය බදු වූ
කාමර කුස්සි දොර ජනෙල්
දිරයි මලකයි ‬පුපුරයි
මියෑදෙයි පොලොවටම පස්වෙයි

නව දලු ලමින් වෙලෙමින්
මුල් ද පසුරුද වෙලා බැදෙමින්
දිනෙන් දින ලියවැලක් එතෙයි ඒ වට
ලෝකපාලු ය නමින් ම මූසල

කොහෙන් පැමිනියෙද ඒ ලතා කලලය
කෙසේ හැදී වැඩෙනුයෙද තට්ට තනිවම

මියයන මේ කුඩා ලෝකය මත 
නොමරුනු එකම දේ එය වෙයි
ඒ නිහඩ හංස ගී වලප
තිරයකින් මුවා කොට සගවන

මෙය ඔබට කිසිදිනක 
කියූවත් වැඩක් නැති කතාවකි
මේ කතාවේ අරුත පසිදා
ලදුන් හා ගති සොබා රූ ඇති
ලතාවක් හා බැදී වෙස් ගත්
ඔබ නොහදුනනු ඇති ඔබවම