මල් සෞන්දර්ය

ඒ ගිරග මත බොහෝ මල් පිපී තිබිනි
නෙක රුවින් හා පැහැයන්ගෙන්
සමහරක් නම් දන්නා
සමහරක් නම් නොදන්නා

එ'ගිර  තරණය  කල ඔවුහු
වහා වැළඳගති  එ'මල්  පෙලහර
අහා කෙතරම් සොඳුරුද මේ මල්
විඩා නිවමින් සෙමෙර සැලුවා ඒ මල්

එතකින් නොසෑහී ඔවුහු
සොරා ගත්තා මල් ඇටද අතු රිකිලිද
‍රැගෙන ගොස් පැලකරනු රිසි
ඔවුනොවුන්ගේ කුඩා ගෙඋයන්වල  වල

නොදත්තවුන් මෙන් 
ගිරි මුදුන් වල තැවරෙන
ලපටි හිරු එලියෙන් අච්චුව තැනුන බව
නිති පතා හැපෙන මේ කුළු පැහය දියකර
ඒ ලා පැහැති වර්ණ ඉපදුන බව
ගිර'ග  පිස හමන සුළං කතුරෙන් කපා ගෙන 
පෙතිද , රේණුද හැඩ වැඩ දැමූ බව
ගිරි තරණෙන්  පසු පමණක්  විදිය යුතු
මල් සෞන්දර්යයක්  එතන වූ බව