Wednesday, June 30, 2010

විලාසනියන්ගේ ප්‍රේමය


ඔවුහු පැමිනියෝය
රැගෙන නොයෙකුත් දෑ
ප්‍රේමය නමින් නම් කල

රන්රුවන් අභරන සමග පාට මල් දම්ද
රීදී ගෙත්තම් සපිරි දුහුල් සුසිනිදු සලුද
වත්සුනුද විලවුන්ද සුවද කොකුමගරද
රන් මිරිවැටි සගල් පයට මිනි ගෙජ්ජිද

පැලද සැරසී හැඩට
රැගුවෙමිය, මන්මත්ව
ඔවුන් හා එකව සිරියහන් මත නැග
සැරිසැරිමි, වල්මත්ව
නොයෙක විගඩම් වීදි මාවත් මත

එහෙත් දිනක් පැමිනීය නොකියාම
වත්සුනුද දිය වෙවී පතුරු ගැලවී හැලෙන
ගත වතේ කළු මැවී හමද රැලි වී වැටෙන
පැදුරටත් නොකියාම
පෑල දොරගින් ප්‍රේමයද පලා යන

මෙයද විසිතුරු පෙමෙහි මියුරු ඵල... ?

කපා හාරා ඇද එලියට ගෙන
බලමි විමසමි
රුසිරු විසිතුරු පෙමට රැවටුන
රුදු සුමුදු මා හද හෘද මාන්ශය

අහෝ එයද කුනුපයකි.......

බොහෝ කලකට පෙර නොදැනීම
විසිතුරු පෙමෙහි කිරන රැස් වැද
පනපිටින් මිය ගිය

3 comments:

  1. නිස්සාරනය කොටගත්
    පිවිතුරු ප්‍රේමය?
    මුහු කෙරුවොත්
    සමග බිඳක් රාගය .............
    ප්‍රේමය මුසු රාගයද?
    අමුවෙන්න්ම උකහාගත්
    රාගය.........
    මුසු කෙරුවොත්
    සමග ප්‍රේමය ......
    රාගය මුසු ප්‍රේමයද?

    ReplyDelete
  2. සියලු ප්‍රතිචාර වලට මගෙ හද පිරි ප්‍රනාමය.....

    ReplyDelete